Home » “Briya den bo sapato, y cana pa progreso” Aruba Bank a sostene Women’s Conference 2018

“Briya den bo sapato, y cana pa progreso” Aruba Bank a sostene Women’s Conference 2018

by Admin
0 comment 60 views

ORANJESTAD, Aruba – E aña aki un biaha mas Aruba Bank a sostene Gobierno di Aruba cu e presentacion di e Women’s Conference 2018. Aruba Bank a uni cu mas di 500 hende muhe representando multiple disciplina pa asina scucha diferente orador local e internacional.

E institucion bancario pionero ta conta cu un forsa laboral femenino di 71%, y un Management Team cu ta consisti di 85% hende muhe, y ta sostene nos hende muhenan cu ta un parti integral di e fabrica di nos comunidad. Ademas di esaki tambe a yuda pa engrandece e celebracion ariba e Dia di Hende Muhe.

E mainta a cuminsa cu un introduccion di su excelencia, Minister di Finansas, Sra. Xiomara Maduro, sigui pa orador Sra. Maite Delgado, Actriz y Animado Venezolano, residencia na Aruba.

Un topico cu a capta atencion di tur presente ta e topico di innovacion, ariba cual Sra.Varelrie Croes, Chief Innovation officer di pais Aruba, a amplia. Panelistanan influencial a inclui: Sra. Dr. Louise Rafael, Sra. Mary Lou de Windt, y Sra. Mara Carasquilla cu a elabora riba asuntonan social den nos comunidad.

Sra. Paula Kibbelaar tambe a presenta “Breaking the Glass Ceiling”, culminando cu e discurso di e gran dama, Sra. Maria Liberia Peters y Sra. Ella Yazagaray cu a duna un discurso di propio experiencia di nan carera.

Por ultimo a tuma luga un “panel di discusion” riba e tema “Hende muhe den politica” cu a consisti di su excelencia, Prome Ministro di Aruba, Sra. Evelyn Wever-Croes, Sra. Marisol Lopez Tromp y Sra. Jennifer Reyes. Publico presente a haya e oportunidad pa haci pregunta na final.

Aruba Bank ta satisfecho di sigui promove y sostene e hende muhe den e forsa laboral y tambe den nos comunidad traves di esfuersonan y eventonan comunitario.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio