Home Local Gobierno Venezolano a cera e frontera pa ABC completo

Gobierno Venezolano a cera e frontera pa ABC completo

Oranjestad: Den oranan di ayera tardi noticia a cuminsa circula cu Gobierno Venezolano ta bay cera hermeticamente e frontera cu ABC.

Awemainta e aerolineanan cu ainda tabata bula entre islanan ABC cu Venezuela mester a cancela tur nan vuelonan, aparentemente e lo ta conta pa barconan y tambe tankeronan cu ta transporta gasolin for di Venezuela pa islanan ABC.

Na januari ela anuncia ciere di e frontera, enberdad Venezolanonan no por a viaha directo pa Aruba, pero mester a viaha via Colombia, Panama of Rep. Dominicana.

Arubiano of personanan residencia na Aruba si por a bay Venezuela pero mester por a presenta na yegada un carta apostilla di parti di un famia na Venezuela, cu nan ta bay bishita of sea pa un dokter caminda nan lo ta bayendo pa tratamento medico.  Asina mes de bes en cuando e pasahero tabata perde su cent paso imigracion venezolano ta dicidi ken e ta laga drenta y tin ora pa motibonan desconoci tabata manda e pasaheronan bek. Localnan cu tin dos paspoort por ehempel paspoort Colombiano, Peruano, etc. Si por a drenta Venezuela cu nan paspoort sin problema, pero awo cu no tin niun trafico aereo of maritimo mas entre ABC y Venezuela esaki dimes no ta posibel mas.

E restricion aki a inicia awe y no sa pa cuanto dia, siman, luna etc. Pues desde awe te pa un proximo aviso no tin niun buelo, ni boto for di islanan ABC cu lo por sali of yega Venezuela. Ban spera cu Gobierno Venezolano na su turno sa di controla su costanan bon  y asina evita tambe pa mas ilegal, of cosnan ilegal yega na nos costanan.