Diaranson atardi atleta Olimpico di Taekwondo Monica Pimentel a logra clasifica pa e Weganan Centro Americano del Caribe na Ciudad di Monterrey, Mexico.
Monica Pimentel su prome pelea a bay contra di Marina Linda Torres di Mexico y Monica Pimentel a perde esaki cu un score di 3-0. Den repechage Monica Pimentel a bringa contra di Glory Martinez di Honduras y a gana esaki cu un score di 25-5 y asina a logra clasifica pa CAC.
E aña aki e Weganan Centro Americano Del Caribe ta bay tuma luga na Ciudad di Barranquilla, Colombia durante luna di Juli.
Cu sosten di Comite Olimpico ArubanoMonica Pimentel a participa na US Open na luna di Februari. Monica Pimentel a sigui prepara na Aruba cu preparacion fisico di profesor Guerra Sosa di Colombia. Monica Pimentel a train aspecto tecnico tactico cu ex atleta John Jairo Maduro. Profesora Macarena Maisenti a yuda Monica Pimentel cu e parti final di aspecto di nutricion y preparacion fisico.
Monica Pimentel a completa su preparacion pa e competencia aki hunto cu e profesor Julio Ramos cu actualmente ta radica na ciudad di Monterrey, Mexico.
Aruba Taekwondo Bond ta yama danki na tur e personanan y instancianan cu a haci e logro aki posibel e.o. Comite Olimpico Arubano, Fundacion Lotto pa Deporte, Cemedar, profesor Guerra Sosa, John Jairo Maduro, profesora Macarena Maisenti, profesor Julio Ramos y e medionan di prensa.