Home Local Riu Palace Antillas c’un cafetaria nobo y bunita

Riu Palace Antillas c’un cafetaria nobo y bunita

SHARE

ORANJESTAD, Aruba – Diamars 27 di Februari Riu Palace Antillas a habri porta di nan cafetaria nobo p’e empleadonan. Pa por a keda cla cu e cafetaria nobo, a dura 1 luna di trabounan di renobacion.

E empleadonan a drenta den e cafetaria y tabata contento di mira nan cafetaria cu un imagen nobo unda nan por relaha y sinta come durante nan descanso. P’e empleadonan e imagen nobo tabata uno relahante cu potretnan y palabranan cu nan ta un solo famia.

Gerencia di Riu Palace Antillas tabata feliz di por a mira e sonrisa riba e caranan di cada empleado cu a drenta den e cafetaria nobo. Tur a gradici Riu Palace Antillas p’e gesto bunita di tin un cafetaria nobo, unda cu tin potretnan di e beach, di e hotel y di e empleadonan.

Riu
Famia Riu a funda Riu Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “All Inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.

Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.