Home » Parlamentario Endy Croes: Despues di reuni cu AZV kier mas claridad, entre otro tratamento medico den exterior cu ta costando nos pueblo 62 MIYON pa aña

Parlamentario Endy Croes: Despues di reuni cu AZV kier mas claridad, entre otro tratamento medico den exterior cu ta costando nos pueblo 62 MIYON pa aña

by Admin
0 comment 52 views

Parlamentario Endy Croes continuando cu su trabao pa pueblo, esta buscando informacion y tratando na reduci gastonan unda sea cu esaki ta al caso a constata un otro punto di preocupacion. AZV ta un organisacion cu mester hopi atencion. No obstante cu AZV ta costando pueblo riba 400 MIYON pa aña esaki no ta trece semper e cuido desea pa e pueblo di acuerdo cu e tantisimo reclamonan cu ta wordo ricibi diariamente. Locual a hala atencion ta un suma di 62 MIYON florin cu ta wordo inverti den cuido pafo di Aruba, esta e tratamento medico den exterior, entre otro na Colombia. Parlamentario Endy Croes eherciendo su trabao a manda un serie di pregunta pa Minister Danqui Oduber riba e tema aki. Pueblo tin derecho di sa unda y con su placa ta wordo inverti. Parlamento kier sa por ehempel cual ta tur e clinicanan y hospitalnan den exterior cu AZV tin contract cu nan. Alaves cual ta tur e hotelnan y/of condominio of apartamentonan cu AZV ta traha cu nan pa aloha nos pashentnan. Alaves kier sa di ken e lugarnan aki ta y kier mira e contractonan. Parlamento ta interesa pa haya un “verloopstaat” di tratamento medico den exterior di e ultimo añanan. Pues lo pidi hopi informacion pa asina hunto por fiha kico ta e cambionan desea kisas hasta den ley pa asina por reduci e gastonan den AZV sin mishi cu e cuido. Asina lo crea espacio pa gobierno cubri parti di e debe astronomico y e “desaster” cu AVP a causa na nos Pais Aruba minimalisando alaves e presion pa no pone e carga mayor riba schouder di e ciudadano y e homber chikito pero cuminsa na corta vet den propio departamentonan y ministerionan promer cu dado caso mester bati na porta di Pueblo. Croes ta enfatisa cu e ta para banda di pueblo y su curason ta bati cu e mesun ritmo cu esun di pueblo ta bati.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio