ORANJESTAD, Aruba – Riu Palace Aruba a renoba e cafetaria di empleadonan y despues di tur trabou haci, tur empleado por a mira nan bunita cafetaria nobo. Dia 5 di Maart 2018 Riu Palace Aruba a tene e apertura di e cafetaria nobo p’e empleadonan.
E empleadonan tabata warda pafo ansioso pa por a drenta den e cafetaria nobo y renoba, unda cu e gerencia di Riu Palace Aruba a duna nan bon bini cu blaas y Mariachi Perla Aruba. Nan tabata feliz di a mira e imagen nobo di e cafetaria, cual ta un area unda nan por sinta, come y relaha durante nan descanso. Un di e cosnan cu a yama nan atencion tabata e diferente potret preto cu blanco di empleadonan di Riu Palace Aruba, pero tambe potretnan di hotel.
E empleadonan di Riu Palace Aruba a gradici gerencia pa nan cafetaria nobo y renoba. Nan tabata contento di tin un bunita luga pa come. Riu Palace Aruba tabata contento di por a mira cu e empleadonan tabata feliz y ansioso cu nan cafetaria nobo y renoba.
Riu
Famia Riu a funda Riu Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “All Inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.
Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.