Home Local Dia 22 di maart ta start cu e campaña pa yena e...

Dia 22 di maart ta start cu e campaña pa yena e formulario di declaracion di inkomstenbelasting 2016

Ta recomenda pa cuminsa prepara e documentonan necesario

ORANJESTAD – Departamento di Impuesto ta informa su clientenan cu dia 22 di maart proximo lo start cu e campaña pa yena e formulario di declaracion di inkomstenbelasting 2016. E clientenan cu tin dificultad pa yena e formulario por acudi libremente na Biblioteca Nacional na Oranjestad y no tin mester di haci un cita.
E campaña aki tin un duracion di un siman y pesey ta recomendabel pa probecha di oportunidad aki.

Kendenan por participa?
1. Tur persona soltero cu tin un entrada bruto di no mas cu Afl. 75.000.
2. Tur persona casa cu – hunto – tin un entrada bruto di no mas cu Afl. 150.000.

Ta importante pa menciona cu no por brinda ayudo na esnan cu tin un empresa propio of cu ta traha riba nan mes.

Na unda lo duna ayudo?
Fecha
Sitio
Orario
22- 29 maart 2018
(no ta duna ayudo riba diasabra)

Trece documento
Departamento di Impuesto ta pidi su clientenan pa trece e formulario di declaracion di aña 2016 hunto cu tur comprobante necesario relaciona cu entrada y gasto, tanto na Aruba como den exterior. Alabes ta importante pa duna e datonan personal di e pareha casa y e yiunan.

Despues cu caba di yena e declaracion e cliente por entrega esaki mesora. E lo ricibi un comprobante di entrega. E clientenan cu nan mes a yena e declaracion por pasa entrega esaki na Biblioteca Nacional na Oranjestad durante e dianan di campaña. E ultimo dia pa entrega e declaracion di inkomstenbelasting 2016 ta 3 di april 2018. Despues di e fecha aki no lo duna mas prolongacion di termino.

Por sigui e pagina di Facebook di Departamento di Impuesto pa keda bon informa na tur momento.
https://www.facebook.com/impuestoaruba/