Home » VIDEO: Dama manehando auto bou influencia y cu mucha sinta dilanti

VIDEO: Dama manehando auto bou influencia y cu mucha sinta dilanti

by Admin
0 comment 61 views

Ponton – Dialuna anochi pa mas o menos 7’or polis a wordo notifica di un Kia Rio shinishi bayendo zuid, na lusnan di trafico Noord. E Kia Rio aki tawata maneha pa un dama y hunto cune un mucha di 10 aña sinta dilanti y no tawata tin su seatbelt bisti. Algo nos por wak masha hopi mes ariba camindanan di Aruba.

Segun testigo e auto aki tawata coriendo malo treciendo trafico y su yiu den peliger. Mes ora patruyanan di Noord a sali busca e Kio Rio, cu tawata bayendo direccion zuid.
Na altura di supermercado Hua Run dos patruya a logra stop e auto.

 

E dama a baha y polisnan a laga e supla. Prome intento e test no a bay, pero un otro test a resulta cu ela surpasa e limite permiti pa ley.
Mes ora ela wordo deteni y hinca den patruya, caminda nan a sali direccion warda di Shaba.

Un agente a subi na stuur di e Kia Rio hunto cu e mucha di 10aña y nan tambe a bay warda di Shaba.
E dama cu no ta un local, tampoco tawata tin rijbewijs.

Danki na polisnan cu logra stop e auto, prome cu algo malo por a pasa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio