63
ORANJESTAD – Diabierna ultimo Minister mr. Xiomara Ruiz-Maduro a reuni cu ehecutivonan di Banco Central di Corsow y Sint Maarten, kendenan a haci un bishita di cortesia cerca e mandatario.
E ta importante pa por tin un bon cooperacion entre e Banconan Central di nos Paisnan, sigur pa locual ta trata e areanan di supervicion bancario y di seguro pero tambe riba e tereno di legislacion y di esfuersonan pa combati labamento di placa y financiamento di terorismo.
Minister Ruiz-Maduro a expresa su gratitud na e ehecutivonan pa nan bishita y ta spera cu pronto por tin mas cooperacion frutifero entre e Banconan Central di nos Paisnan.