Avion di Tiara cu problema despues di a lanta buelo, a aterisa bek na Aruba

Oranjestad:Dialuna pa mas o menos 3’or y mey di atardi, alarma ta wordo bati na Airport di Aruba pa un avion di Tiara cu un rato prome a lanta buelo cu destinacion Puerto Rico a haya problema cu motor y mester a bira bin bek Aruba.

Mesora a avisa, tur autoridadnan concerni, brandweer, ambulance y polis pa ta riba un standby, mientras cu polisnan tabata cerando caminda y ambulance cu brandweer tabata para cla ta warde, e avion di Tiara a aterisa sin problema riba e pista di nos Aeropuerto.

Despues cu a controla e avion y tur cos tabata bou control, ambulance y brandweer a bay nan postnan bek, mientras polis a habri e camindanan bek pa trafico.