Washington: Diasabra atardi algo prome cu 7’or, un patruya di polis ta wordo manda na un adres na Washington pa un pelea cu machete.
Na yegada e polisnan ta topa cu un homber, e homber ta bisa polis cu e ta e victima di agression di un grupo di hende cu lo a yega na eynan. E Polisnan na e sitio, no a kere loke e homber aki a bisa nan, pa motibo cu un persona cu lo a mira loke a sosode a bisa polis cu ta e homber aki mes a yega cu machete y a cuminsa ta zwaai cu e machete, e personanan cu tabata para pafo a lucha cune y e homber a core hiba e machete den su auto.
Despues di e tende tur dos banda y a mira grabacion di e camara di seguridad di e negoshi na banda, e agentenan a dicidi di bay controla den e auto y enberdad bou di sienta di e auto nan a bin topa cu e machete. E homber mesora a keda deteni y transporta pa warda di polis, mientras su machete a keda confisca.