Avenido Milo Croes: Diasabra den oranan di marduga, despues cu polis a caba di controla un auto sospechoso den Pedro Gallegostraat, nan ta scucha un alarma bay on, mesora nan ta bay direccion di unda e zonido di alarma ta bin y nan ta nota cu ta e alarma di Pricesmart a bay on.
Mesora nan ta baha y bay controla full rond di e edificio, patras di e edificio nan ta topa cu un porta habri y un trapi poni. Un rato despues e security tambe ta yega pa haci su control, e ta topa cu e polisnan controlando riba dak di e edificio.
E Security a splica e polisnan cu e seccion unda e alarma a bay on, ta e parti paden di pricesmart.
Mientras e security guard y e polisnan tabata controlando, e persona encarga cu yabi di Pricesmart ta presenta, e ta habri e porta, nan ta controla paden, pero no ta topa cu nada particular.
