Home Politics Minister di Deporte Sr. Dangui Oduber ta anuncia construccion di Little League...

Minister di Deporte Sr. Dangui Oduber ta anuncia construccion di Little League Ballpark na Dakota

SHARE

Minister encarga cu Deporte, Sr. Dangui Oduber ayera tardi a pidi presencia di prensa na e tereno unda antes tabata Aruba Little League Ballpark. E Mandatario a hasi un anuncio di un proyecto manera prometi, caminda lo bai construi un Little League Ballpark completamente nobo.

 

Minister Dangui Oduber e splica con pa añas largo hopi deportista a hunga ariba e tereno di Aruba Little League aki, incluyendo su mes persona. Campeonatonan Internacional manera Latinoamericano tambe a tuma lugar riba e tereno aki. Sinembargo, e tereno aki a wordo completamente lubida y mas cu claro a deteriora por completo. Minister Dangui Oduber den su campaña a bisa cu sigur lo bai inverti den deporte.  Na mas cu un ocasion Minister Dangui Oduber a bisa cu lo bai mantene y construi facilidadnan deportivo. Anuncio di e plan aki hustamente ta e prueba cu no solamente a campaña e plannan di desaroyo pa cu deporte pero tambe ta cumpli cu esaki nan.

 

Awor ta bay cuminsa cu e diseño oficial mientras lo buska financiamento necesario. Na e momento nan aki, ya caba Lotto pa Deporte a ricibi carta di Minister pa nan coopera y pone e fondonan necesario disponibel pa por realisa e proyecto aki. Ta spera cu construccion lo cuminsa e aña ki pa asina por oficialmente inaugura e Ballpark na 2019.