Minister encarga cu Turismo, Salubridad y Deporte, Sr. Dangui Oduber a tene un reunion awe cu e miembronan di directiva di AHATA. Un reunion sumamente constructivo caminda diferente ideanan a wordo intercambia.
AHATA a haya e oportunidad pa expresa nan preocupacionnan pa cu e futuro desaroyonan turistico di nos pais Aruba. Minister Dangui Oduber a pone hopi enfasis den mantene un bon relacion cu AHATA, cual ta e partner di mas importante den e industria turistico pa asina hunto compromete nan mes na hiba Aruba su turismo padilanti. Durante e reunion aki a haci palabracionnan pa bai traha hopi di serca cu otro pa garantiza un turismo solido y duradero. Manera ya caba ta conoci, Minister Dangui Oduber tin tur debido atencion pa loke ta trata desaroyonan ariba e Mercado Turistico y ta continuamente bezig pa mehora e calidad di nos Turismo, nos unico pilar economico.