ORANJESTAD, Aruba – Durante e proximo vacacion escolar, YMCA Aruba ta organisa un di su famoso programaman pa communidad: YMCA’s Easter Camp. YMCA ta invita tur mucha y hoben pa bin pasa un momento agradabel creando experiencia y amistadnan nobo!
YMCA su Easter Camp lo tuma lugar di Diamars 3 te cu Diabierna 6 di April 2018, di 8’or di mainta te cu 4’or di atardi. E camp ta ser parti den dos diferente grupo: Kids Group y Youth Group. E Kids group ta wordo parti entre e grupo di mucha di 4 pa 7 aña di edad y un grupo di mucha cu un edad di 8 pa 11 aña.
Mientras e Youth Group ta specialmente pa hobennan cu un edad di 12 pa 17 aña.
Durante e Easter Camp, YMCA Aruba lo enfoca ariba teambuilding activities, weganan deportivo, cooking and baking, charlanan educativo y hopi mas! Pa por participa mester registra prome cu Diamars 27 di Maart 2018. Inscripcion ta costa solamente 50 florin pa esnan cu ta miembro di YMCA su Y’s CARE program. Pa miembronan general di YMCA e camp ta costa solamente 65 Florin. Tambe YMCA Aruba ta brinda e oportunidad na tur mucha y hoben cu no ta miembro di YMCA pa por participa. Esaki ta possibel na un suma di solamente 85 florin. E prijs ta inclui tur actividad, transporte, cuminda cayente como lunch, snack y cos di bebe.
Ultimo dia pa inscribi i hasi pago ta ariba 27 di Maart 2018. Pa inscribi por pasa na oficina di YMCA Dakota y YMCA San Nicolas. Por favor trese un copia vaido di e carchi di AZV di e participante. Pa mas informacion por bay riba YMCA su Facebook page: YMCA Aruba of por tuma contacto YMCA Dakota na 5823072 of YMCA San Nicolas na 5845303.