Homber agresivo a drenta lama altura di Moomba y landa bay afo

Palm Beach – Diaranson anochi algo prome cu 9:30 strand politie a wordo manda pa Moomba.
Na e sitio lo tin un homber agresivo y elo tawata benta stoel rond.

Ora polis a yega y e homber aki a miranan, ela drenta lama y bay pafo.
Segun polis e homber tawata actua bastante raro, indicando cu e ta bou influencia di alcohol of droga.

Dado momento e homber a landa bay te na e ultimo boeinan, cu ta basta leu. Un rato te hasta nan a perde di bista.
Polisnan a solicita pa Kustwacht, cu mester a sali for di Savaneta direccion area di Holiday Inn.

Despues di warda algun rato Kustwacht cu a yega na e sitio a spot e homber, y a logra gare y pone den e boto.
Nan a trece na e pier di Hadicurari, caminda cu transportwagen a hibe warda di Shaba.