Home » Asociacion Arubano di Psicologo & Ortopedagogo (AAPO) kier informa pueblo di Aruba y specialmente e comunidad di psicologo y ortopedagogo cu AAPO ta activo y ta acepta miembrecia.

Asociacion Arubano di Psicologo & Ortopedagogo (AAPO) kier informa pueblo di Aruba y specialmente e comunidad di psicologo y ortopedagogo cu AAPO ta activo y ta acepta miembrecia.

by Admin
0 comment 98 views

AAPO a wordo funda den transcurso di aña 2016, su directiva ta consisti di sra. Rosanna van Dijk
(presidente), sra. Indira Falconi (tesorero), sra. Darrelyn Maduro (secretaris), sra. Janis Schoppema
(miembro di directiva) y sra. Gyseth Nüesch (miembro di directiva). Tur miembro di directiva ta
psicologo of ortopedagogo cu experencia den sector laboral na Aruba. Hunto cu varios colega
den e sciencia di psicologia y ortopedagogia na Aruba nos a traha den e ultimo periodo riba e
vision y mision di AAPO.

Nos vision ta pa yuda tur psicologo y ortopedagogo eherce nan profesion na un manera
responsabel, nos ta brinda sosten na e profesional pa asina e sinti su mes reforsa. Tambe nos ta
salvaguardia e interes di miembro di AAPO riba e area cientifico, economico y social.

Pa nos miembronan nos kier crea un plataforma social caminda por yega facil den contacto cu
otro profesional y asina intercambia di informacion cu otro. Tambe nos a crea un codigo laboral
pa psicologo y ortopedagogo na Aruba, cu e meta pa aumenta e atencion y interes pa e etica di
labor serca nos miembronan. Den un futuro cercano nos lo trata pa crea e posibilidad pa aumenta
e conocemiento di materia y fortalece e contacto entre e miembronan di AAPO.

Si ta desea mas informacion y of si ta desea di inscribi como miembro por tuma libremente
contacto cu nos via e-mail : [email protected].

Nos ta conta riba e sosten di tur psicologo y ortopedagogo na Aruba pa por logra e meta
principal di AAPO.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio