Home » YMCA Aruba ta anuncia curso di cushinamento pa adulto

YMCA Aruba ta anuncia curso di cushinamento pa adulto

by Admin
0 comment 82 views

ORANJESTAD: En cuadro di YMCA Aruba su programa Educativo Progresivo, YMCA ta ofrece un curso desde e siman di 12 di Maart 2018, un curso special pa e temporada di Cuaresma.

 

Mirando e peticion grandi pa un curso unda por siña cushina platonan di Lama,  YMCA conhunto cu instructor Glenn Ridderstap ta ofrece un curso pa e temporada di Cuaresma. E curso tin un duracion di 5 siman, y e lesnan lo tuma luga tur dialuna di 6:30 di atardi pa 9:00 di anochi, na YMCA Dakota. E curso ta inicia cu un anochi di introduccion ariba Dialuna dia 5 di Maart 2018. E prome les lo tuma luga ariba dialuna 12 di Maart 2018.

 

Inscripcion ta costa solamente Afl. 150,00 florin. E prijs no ta cubri costo di ingrediente, por ricibi mas informacion tocante esaki ariba e anochi di introduccion. Na final di e curso, tur participante lo ricibi un certificado. Por pasa inscribi awe mes na YMCA Dakota. Por fabor pasa inscribi of reserva bo cupo pa bo no keda afo! For di experiencia por bisa cu e cuponan ta yena lihe. Na final tur cursista lo ricibi un certificado.

 

YMCA Aruba ta invita e pueblo di Aruba pa pasa inscribi na YMCA Dakota, situa na Calabasstraat 1, of pa yama libremente na 5823072 pa mas informacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio