Home » Polis a detene homber cu a subi dak y tawata keda grita den oranan di marduga

Polis a detene homber cu a subi dak y tawata keda grita den oranan di marduga

by Admin
0 comment 62 views

Rooi Afo: Dialuna algo prome cu 5’or di marduga, polis ta wordo manda na un adres na Rooi Afo caminda lo tin un persona masculino gritando manera loco.

Na yegada di e prome patruya, e agentenan ta mira un homber core drenta mondi pasa den e rooi y bay otro banda di caminda.

E homber aki a subi riba dak di e cas otro banda di caminda, e tabata gritando y asina a lanta e habitantenan for di soño. Polis a cuminsa papia cune y net nan tabata bay pa gar’e, e homber a bula for di e dak patras di e cas. Mesora a cuminsa cu un buskeda y e agentenan a pidi refuerso di mas colega.

Despues cu ela bula for di e dak e agentenan a perd’e for di bista y e homber a stop di grita tambe. Cachonan a cuminsa blaf un poco mas pabou otro banda di e Rooi, e agentenan a kere na prome instante cu e homber aki lo a huy pasa den e mondi y a bay otro banda di e Rooi, pero esaki no tabata e caso.

E habitantenan di e cas a segura polis cu e homber aki no por a sali patras di nan cas e mondi lo ta completamente cera. E agentenan hunto cu refuerso di nan coleganan di Noord y Santa Cruz a drenta den e mondi patras di e cas y a bin topa cu e homber aki, sunu wanta na un cadushi.

A pidi pa presencia di ambulance y despues polis a transporta e homber aki pa hospital caminda e lo por wordo interna na PAAZ, mirando cu e tabata papia basta bruha y sigur lo tin problemanan mental.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio