Home » Parlamentario Richard Arends: ‘Slowdown’ di rehabilitacion lo afecta primeramente e ‘spinoff’ economico premira

Parlamentario Richard Arends: ‘Slowdown’ di rehabilitacion lo afecta primeramente e ‘spinoff’ economico premira

by Admin
0 comment 79 views

E actitud y pro-actividad di Gobierno na e momentonan aki den e desaroyonan rond di e refineria di San Nicolas, ta di suma importancia pa mira ki pasonan lo por tuma y con por actua pa atende e situacion cu a surgi cu CITGO, Parlamentario di fraccion di AVP, sr Richard Arends a mustra.
Sr Arends a trece dilanti cu e ultimo desaroyonan anuncia pa CITGO cu lo bay over na ‘slow down’ di e proceso di rehabilitacion di e refineria, obviamente ta un noticia cu ta di lamenta,
caminda principalmente e efecto di e ‘spinoff’ economico, ta keda principalmente afecta.

Na momento cu a inicia negociacion cu CITGO, a bay un proceso hopi largo cu e compania cu a tuma di mas un aña pa yega na un acuerdo pa loke ta e reapertura di refineria.
“E operador di e empresa cu ta significa un parti substancial di bo economia y ta representa un pilar importante di bo economia mester ta bo partner. Esey tabata e caso cu CITGO recientemente y den pasadotambe na momento cu Valero a para su operacionnan.
Gobierno hunto cu Valero a bay en busca di un operador nobo pa loke ta trata e refineria,” e Parlamentario a splica.
Na nivelnan politico di mas halto, na Colombia a papia cu Presidente Santos ora tabata sondea posibilidadnan cu Ecopetrol y cu e Minister di Energia, di Brasil ora cu nos a papia cu PetroBras, a discuti y sondea posibilidad pa haya partner nobo pa e refineria.
Gobierno a bira un partner cu e posible operador nobo na momento cu na 2014 CITGO a mustra interes di por uza e facilidadnan na Aruba como un ‘upgrader’,” Parlamentario Richard Arends a señala.

El a sigui mustra cu den e caso specifico aki a tene cuenta cu a aspecto geopolitico. No a tene cuenta solamente cu e parti financiero, economico y comercial, pero tambe a tene cuenta cu e parti geopolitico, unda cu tabatin bou guia di ex Prome Minister Mike Eman, hunto cu Minister Mike de Meza, a bay c’un delegacion Hulanda.
“Nos a papia cu nos partnernan den Reino, a papia cu Minister di Asuntonan Exterior, cu Prome Minister Rutte, cu Minister di Asuntonan di Reino, sr Plasterk y a papia tambe cu nos partnernan berde, Carbon War Room, Clinton Climate y Initiative, pa mira kico ta e aspectonan cu nos mester tene cuenta cu nan, na momento cu nos drenta den negociacion c’un empresa cu ta afilia na Venezuela, teniendo na cuenta obviamente cu e situacion geopolitico.
E mensahe cu nos a haya unanimamente ta cu mirando e proteccion cu e empresa Mericano aki ta pa dal bay. Asina nos a cuminsa cu e negociacionnan”

Sinembargo situacion cu a surgi awor, caminda CITGO a anuncia di a ‘slowdown’ e proceso di rehabilitacion, e proceso di rehabilitacion por dura un maximo di cuater aña parti den dos fase.
E extension aki di e rehabilitacion ta ainda den cuadro di loke a wordo negocia y CITGO semper ta keda cu su obligacionnan pa cu Aruba.
E ‘slowdown’ no ta nifica un incumplimiento di obligacionnan cu Aruba. Mescos cu ehecutivonan di CITGO a indica, nan ta keda paga huur, y nan ta keda paga nan belasting.
RDA y Gobierno por conta suma cu un suma total di Afl 36 miyon mescos cu aña pasa.

.
Unico cos ta cu lo no por tene cuenta cu e ‘spinoff’ economico cu a premira y esaki obviamente lo pasa pa futuro.
E ultimo añanan cu AVP tabata den gobernacion, e ‘outlooknan’ economico no tabata tene cuenta cu rehabilitacion di e refineria.
Sinembargo mi ta kere cu loke ta e momento importante aworaki, ta e actitud y pro-actividad di gobierno pa mira con lo tuma rienda di e situacion aki, con ta bay sinta na mesa cu e partner, pensa riba solucionnan hunto cu nan, pa yega na un solucion pa e situacion cu a presenta, cu por cierto CITGO tampoco a premira.
Segun nan declaracion mes, nan ta spera cu dentro di poco tempo esaki lo wordo resolvi pero loke ta central na e momentonan aki, ta con gobierno ta bay atende cu e situacion aki, kico ta bay haci, con hunto cu CITGO lo busca un forma pa atende cu e situacion cu a presenta,” Parlamentario Richard Arends a mustra.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio