Home » Parlamentario Arthur Dowers: Caracter y sinceridad ta algo cu Minister Oduber ta carece totalmente di dje

Parlamentario Arthur Dowers: Caracter y sinceridad ta algo cu Minister Oduber ta carece totalmente di dje

by Admin
0 comment 62 views

Como flamante Minister di Infrastructura, Otmar Oduber ta briyando pa su falsedad y su caracter traicionero cu e tin, sigur ora cu sigui e serie di persecucion cu a inicia den e prome 100 dia di gobierno di coalicion.
Parlamentario Arthue Dowers di fraccion di AVP ta convenci cu presencia di Minister Oduber den e actual gobierno di coalicion, no ta pa sirbi interes di pueblo di Aruba, pero pa sirbi su propio interes personal, familiar y di amigonan.
“No tin duda den esey y tur loke nos por a mira den e prome dianan, ta cu el a pasa man pa 6 mil florin cu a sobra di e proyecto di Green Corridor pa sirbi su Ministerio, y e ta mandando tata- y mamanan di famia cas, pa motibo cu nan no a vota pa su persona of su partido.
E mentalidad di e minister aki a bira conoci for di 2016 ora cu el a dicidi di traiciona y bandona e organisacion cu a permiti su persona di sigui un carera politico te cu el a ocupa puestonan halto den gobernacion di e pais, pa despues transforma su mes den un persona cu ya no por wordo confia.
Ora cu nos tuma nota di un comunicado di prensa cu Minister Oduber a emiti ayera merdia riba Green Corridor cu e situacion di awasero cu a cay na Pos Chikito, tin cu conclui cu tanto e minister como su gobierno, realmente no tin argumento valido pa splica pueblo di con den 100 dia nada a ser haci pa sirbi interes di pueblo.
Desde cu Oduber a bira Minister, el a converti su mes den un agresor contra tur proyecto cu Gabinete Mike Eman I y II a ehecuta y cu a sirbi interes general di nos pueblo y ta purbando na tur ocasion pa cubri e proyectonan aki cu su sed di vengansa y negativismo.
Proyecto Green Corridor ta un proyecto carga pa henter partido AVP, pa henter Gobierno di AVP, pa henter Conseho di Minister di tanto Gabinete Mike Eman I y II di cual e actual Minister Oduber, pa shete aña largo a aproba y sostene.
Awor diripiente el a scoge pa gloria propio y ta trata di cambia su historia politico cu henter pueblo ta bon na altura di dje, den algo nobo dirigi pa su mente negativo y vengativo.
Problemanan di awasero rond Aruba ta bon conoci pa tur hende y semper a trata di alivia esaki ora cu e situacion presenta pero ta algo cu ta caracterisa e forma di pensa negativo di Minister Oduber, pa trata di saca probecha politico for di un proyecto di Gobierno di AVP cu pa colmo su persona a carga pa varios aña como Minister di gobiernonan di AVP.
E tipo di payasadanan aki ta confirma e mentalidad di Minister Oduber, cu hunto cu su gobierno no tin solucion pa pueblo na e momentonan aki, tratando na cambia atencion di e incapacidad di su gobierno, di e forma aki,” Parlamentario Arthur Dowers ta declara.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio