Minister Dangui Oduber a acudi na e “Huisartsen Opleiding” na IMSAN

Diadomingo mainta ultimo Minister encarga cu Turismo, Salubridad y Deporte Sr. Dangui Oduber tawata tin e gran honor di a hiba palabra riba e di dos dia di e “Huisartsen Opleiding” cu a tuma lugar na IMSAN.
E mandatario a duna di conoce cu ta di suma importancia pa un dokter di cas keda mehora y keda actualisa su mes profesionalmente, pa asina por brinda e comunidad di Aruba un cuido medico di calidad halto. E mandatario a bisa cu ta haciendo esfuerso pa haci nos cuido medico uno di mas calidad y mas moderno, specialmente pa cubri e necesidad di e pueblo. E vision di Gobierno pa e ser humano ta central ta conta tambe pa e Ministerio di Salubridad Publico.
Al final e Mandatario a gradici cada un cu ta asistiendo na e “opleiding” aki y a desea nan tur clase di exito pa cu esaki. “Aruba lo keda en espera di bosonan pa asina por hiba e calidad di e cuido di nos pueblo pa dilanti” segun e Minister.