Home » Gobierno mester ta pro-activo cu partner CITGO den rehabilitacion di refineria

Gobierno mester ta pro-activo cu partner CITGO den rehabilitacion di refineria

by Admin
0 comment 58 views

Rehabilitacion di refineria pa Gobierno di AVP a ser mira como un di dos pilar economico historia, un di dos pilar di Aruba su economia, y a tuma e proceso aki como prioridad for di ormne cu a drenta gobernacion na 2009, pa por haci e rehabilitacion di e refineria posibel.
Na momento cu esaki a yega na un paro atrobe, nos a sigui busca constantemente un otro partner pa logra e meta y esey a bira un prioridad di gobierno di AVP, miembro di fraccion di AVP, sr Richard Arends a splica.

“E cuadro legal pa haci e reapertura di e refineria posibel a conta cu aprobacion casi unanime den, incluso esunnan cu awor ta den gobernacion.
Nos kier mira e mesun actitud pro-activo e tempo ey, por continua.
Atrobe tin cu mustra cu CITGO, como opoerador di bo di dos pilar economico, ta bo partner, e ta representa casi 7.4% di e GDP.
E hecho nan aki mester por wordo poni dilanti y tambe mester fiha prioridad pa loke ta trata gobierno,” Parlamentario Arends a declara.

Na mes momento sr Arends a mustra cu como fraccion den oposicion awo ta kere cu ta keda na Gobierno pa tuma un posicion pro-activo pa busca un solucion hunto cu e partner CITGO pa haya un solucion pa loke ta pasando na e momentonan aki.
Sr Arends a sigui mustra cu henter e proceso pa yega caminda e refineria ta awe, a tuma negociacion y cantidad di intercambia di pensamento pa asina tur hende ta hunto riba e mesun liña di pensamento pa logra e completa e proyecto aki diu rehabilitacion di e refineria.
CITGO ya caba a haci inversionnan miyonario den e proceso aki y ta interesa pa sigui pa completa esaki pero aki un biaha mas ta keda na gobierno pa atende cu e situacion aki, busca hunto cu CITGO y gobierno Hulandes kico por haci pa trata di haya un salida di e impase cu CITGO a bin haya su mes aden cu e proyecto di rehabilitacion di e refineria na San Nicolas, Parlamentario Richard Arends a mustra.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio