Home » E nivel di lama cu a baha ta un fenomeno normal di naturalesa y no ta forma niun peliger pa nos islanan

E nivel di lama cu a baha ta un fenomeno normal di naturalesa y no ta forma niun peliger pa nos islanan

by Admin
0 comment 60 views

Oranjestad: Diadomingo nos por a mira cu na parti di costa pazuid di nos isla, lama a baha asina hopi cu ela hala atencion di hopi hende. Esaki tin di haber cu varios factor di tempo y naturalesa cu a causa cu e lama a hala bay asina leu afo.

Na cierto area di Aruba e lama a hala como 80 meter for di e costa cual tabata algo cu nos no ta experiencia hopi compara cu otro paisnan, manera na Waddengebied na Hulanda cu ta experiencia esaki dos biaha pa dia.

Nos a compronde for di rampenbureau cu e fenomeno aki, no tin nada di haber cu lo por tin un Tsunami na caminda pa nos islanan, pasobra ultimamente no tabata tin niun temblor of maremoto di un magnitud halto den nos area cu lo por a produci un Tsunami.

Locual ta pasando ta, cu e ultimo dianan aki e nivel di Lama tabata hopi halto, cu basta ola y biento fuerte, nos tabata haya hopi yobida y temperatura mas abou cu normalmente. Actualmente esaki a cuminsa baha y riba dje nos ta drentando e periodo cu e nivel di awa ta baha, tur factornan aki a cay pareu y esaki a causa cu e nivel di awa na e costa pazuid di nos isla a baha drasticamente.

Normalmente ora di cambio di nivel di lama, e ta baha na Aruba te mas o menos te 6 meter, pero e biaha aki ela bay hopi mas leu y esaki sigur a hala atencion di tur hende.

E fenomeno aki a wordo experiencia tambe na cierto partinan na Corsou y Boneiro.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio