59
Tanki Leendert – Diasabra marduga polisnan a bay atende cu caso caminda un homber lo tabata pasa bula dilanti autonan cu tabata pasando. Esaki a pasa riba e caminda di Oranjestad pa Tanki Leendert.
Aparentemente asina e homber lo tabata kier a forsa e chauffeurnan pa dune lift.
E homber tabata basta bou influencia y na yegada di polis e tabata tin un piedra den su man y no kier a benta esaki riba vloer.
Polisnan mester a usa un tactica cune, caminda nan a mande vloer y di e manera ey nan por a kita e piedra for di dje, prome cu e lo por a dal un hende.
Una bes riba vloer nan a logra bisti’e boei, pero asina mes ela keda papia yen cos straño y tambe tabata insulta e agentenan.
Segun e homber e lo ta un Ingeniero di un compania local di aviacion y cu su abogado ta un Canades.