122
Otaheitistraat – Diadomingo marduga patruya di San Nicolas a bay na un adres den Otaheitistraat pa auto cu a dal contra un cura di cas y e ocupantenan a sali na careda bay
Na yegada polisnan a constata cu ta trata di un caso di hit and run.
A resulta cu e chauffeur di e pick up pa un of otro motibo lo a bay dal contra e cura di e cas, aparentemente e pickup lo ta procedente di ladronicia.
Despues cu e pickup a dal contra e cura, e tres ocupante, entrenan un muhe, nan tur a baha y a core bay for di e sitio, lagando e pickup atras.
E habitantenan tin gasto awor pa falta di hende sin educacion y ladron, paso momento cu ela dal e cura kibra e pick up a dal un otro auto staciona den e cura tambe.
Spera cu polis por pone man ariba e hendenan aki.