Home Police Accidente serio na crusada di Seroe Pita, ta dos persona herida atras

Accidente serio na crusada di Seroe Pita, ta dos persona herida atras

SHARE

Seroe Pita – Diabierna atardi den careda di 6:30 alarma grandi a wordo bati pa un accidente serio, na crusada di Seroe Pita.
Mes ora patruyanan di tanto trafico y tambe di Santa Cruz a bay e crusada.

Na e yegada di patruya di Santa Cruz nan ta constata cu tin un Nissan Platina ariba su banda y un Suzuki Vitara completamente destrui dilanti.
Den ambos auto tawata tin hende herida, pero danki Dios no di gravedad.

E momento eynan na e sitio agentenan di trafico tawata haya dos diferente version, di loke a pasa.
Un testigo ta declara cu e Nissan Platina tawata bayendo direccion nort ariba e crusada y e Suzuki a subi dal e.

Version di e chauffeur di e Nissan ta, e ta subi e crusada posiblemente sin pone atencion y e Suzuki bayendo zuid ariba e crusada ta dal e, pone keda di banda.

Dos ambulance a presenta na e sitio y a hiba ambos persona herida hospitaal.