Home Entertainment Pedro Croes y Rafael Kelly a gana premio sorpresa Rufina Danjo a...

Pedro Croes y Rafael Kelly a gana premio sorpresa Rufina Danjo a gana campaña “Like & Share” di N.V. Elmar

SHARE

Mas di 10 mil hende awo ta conecta directamente via Facebook

ORANJESTAD, Aruba – Den luna di Januari ultimo, N.V. Elmar a lansa e campaña di Like & Share, pa yega 10.000 likes. E campaña tabata pa 1 luna pero den 2 siman di tempo e campaña ya a yega e 10.000 like nan. Pa esaki N.V. Elmar a saca 3 ganado, a saca ganado di e campaña pero adicional a saca e persona cu ta e di 10.000 like y esun cu a share e post di e campaña. E ganadonan a ricibi 1000 kwh cual ta un averahe di consumo mensual di coriente na Aruba y e ganadonan tin 1 luna gratis di coriente.

 

N.V. Elmar kier pa nan ta mas conoci riba red social y cu e campaña aki mas hende por like e facebook page di N.V. Elmar, pa ora di suministra informacion tur hende ta na altura. Facebook ta un media social y poco poco mundo ta digitalisando mas, di cual pa nos compania nacional di distribucion di coriente, esaki ta hopi importante.

 

A saca e ganadonan di e campaña live, unda cu e ganadonan a yega na NV Elmar pa ricibi nan premio. Tur tabata contento cu nan premio despues cu a sorprende 2 ganado.

 

Rufina Danjo a gana 1000 kwh di e campaña di like&share e facebook page di N.V. Elmar. Ing. Elthon Lampe, Customer Relation Manager di N.V. Elmar a gradici e participantenan di e campaña aki. Rufina Danjo a gradici N.V. Elmar di a scoge como e ganado di like y cu e premio aki sin duda lo yud’e hopi. Elthon Lampe a splica cu Rufina Danjo ta e ganado di a “like” e pagina di Facebook di e campaña.

 

E otro ganado di e campaña tabata Pedro Humberto Croes, kende ta e ganado di 10.000 like y asina el a gana e premio di 1000 kwh. Den pasado Pedro Croes a yega di gana premio cu N.V. Elmar y tabata contento di por a gana algo cu nan un biaha mas. E ta corda di a gana su prome premio hopi aña pasa tempo di “Ready Kilowatt” den programa di defunto Eddison Croes na Club Estrella y Pedro Croes a gana 75 florin e tempo ey.

 

E di tres premio tabata uno di sorpresa, unda cu a saca e ganado di like&share. Esunnan cu a comparti (share) e post pa yuda esaki yega na mas hende y asina haya mas like. Rafael Kelly tabata e feliz ganado di e premio sorpresa di share e post di NV Elmar. Rafael Kelly ta stimula tur hende pa sigui like & share e facebook page di NV Elmar pa asina tur hende ricibi mas informacion.