Home » Turistanan a celebra Valentine’s Day na Riu Palace Aruba y Riu Palace Antillas

Turistanan a celebra Valentine’s Day na Riu Palace Aruba y Riu Palace Antillas

by Admin
0 comment 57 views

ORANJESTAD, Aruba – Dia 14 di Februari tabata Valentine’s Day y e turistanan a celebra esaki den restaurantnan di Riu Palace Aruba y Riu Palace Antillas. Tur hende a disfruta di e celebracion cu nan a ricibi for di Riu Hotels & Resorts.

Riu Palace Aruba y Riu Palace Antillas tabatin nan Valentine’s Day Themed Buffet den restaurant Don Nicolas y Atlantis, unda cu tabatin angelnan y Cupido. E Cupido y angelnan tabata duna e turistanan bon bini y na entrada tabata duna e turistanan un welcome drink. Alabes e angelnan cu tabata para na e entrada di e restaurant tabata duna e cabayeronan un renchi pa asina nan por a duna nan distinguido esposa y bisa algo bunita na nan pareha. Cada turista a ricibi for di Riu Palace Aruba y Riu Palace Antillas un rosa riba e dia aki. Pa tin como recuerdo di a celebra Valentine’s Day na Riu Palace Aruba parehanan por a saca potret na e photo frame, mientras na Riu Palace Antillas e parehanan tabata saca potret na e bunita forma di curason. Nan a disfruta di e delicioso cuminda prepara p’e chefnan di Riu Palace Aruba pero tambe a disfruta di e saxofonista, kende tabata toca diferente cantica suave.

E turistanan a keda masha contento di a celebra nan Valentine’s Day na Riu Palace Aruba y Riu Palace Antillas, unda cu nan a disfruta di e anochi. E anochi aki ambos restaurant tabata yen y tur a gradici Riu Hotels & Resorts p’e anochi magico aki.

Riu
Famia Riu a funda Riu Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “All Inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.

Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio