Minister encarga cu Turismo, Salubridad Publico y Deporte, Sr. Dangui Oduber a hasi un bishita na dos sucursal di SVb caminda ela haya un recorido amplio di tur e departamentonan y e diferente trabaonan cu SVb ta eherce. Loke ta di remarca ta cu SVb ta un organisacion hopi dinamico cu ta purba continuamente di trese solucion- y cambionan den cada departamento.
Director di SVb Sr. Edwin Jacobs hunto cu staf y personal tin hopi planes riba e tereno di automatisacion cual lo crea oportunidadnan pa hasi pagonan y registracionnan mas eficiente pa asina brinda un miho servicio na nos comunidad Arubano.
Loke ta remarcabel ta cu SVb tin un percentahe di 80% di empleado cu no ta meld AO. Durante e recorido na SVb, Minister Dangui Oduber a haya e grato honor di a duna reconocimiento na Sra. Esmay Dubero cu tin mas cu 13 aña sin meldziek y den un total di 28 aña di servicio a meldziek un (1) biaha solamente.
Minister Dangui Oduber a keda hopi contento cu e recorido y kier a gradici tur e trahadornan pa e manera caluroso cu nan a ricibi e mandatario.
