Home » PARLAMENTARIO DOWERS UN BIAHA MAS TA GAÑA PUEBLO E no tawata presente den reunion di parlamento y toch ta ataka prome minister

PARLAMENTARIO DOWERS UN BIAHA MAS TA GAÑA PUEBLO E no tawata presente den reunion di parlamento y toch ta ataka prome minister

by Admin
0 comment 51 views

Dialuna Partido MEP a tuma nota den medionan di comunicacion cu Parlamentario Dowers di AVP a lansa atakenan contra Prome Minister Evelyn Wever-Croes. Atakenan lo ta basa riba un reunion cu a tuma luga den Parlamento di Aruba dialuna mainta riba e tema di Venezuela.

Remarcable ta cu sr. Dowers a sinta den sala di Parlamento 5 minuut, no a lansa ningun pregunta y a sali bay cas prome cu Prome Minister a contesta e preguntanan di e otro Parlamentarionan. Cu esaki sr.Dowers a mustra su falta di interes den pueblo.

Ta straño cu si sr. Dowers a sinta 5 minuut so, e no a lansa ningun pregunta, y no a keda pa scucha contesta, ta hopi remarcable cu den prensa e ta sali cuestiona Prome Minister di nos pais.

Prome Minister Evelyn Wever-Croes a duna contesta riba tur e preguntanan cu a bin di parti di AVP, POR, RED y MEP. Na final di e reunion por a nota cu tur Parlamentario a keda hopi satisfecho cu e contestanan, incluyendo e Parlamentarionan di AVP.

Pues si sr. Dowers a sinta un poco mas den sala di Parlamento, locual cu pueblo ta pag’e p’e haci, lo e tambe a haya e oportunidad pa haci pregunta y haya contestanan riba tur pregunta y no mester a bay ataka nos Prome Minister den prensa infunda y sin base. Pasobra si sr. Dowers tawata tin poco mas interes, lo el a sinta den sala, haci su preguntanan, schucha e contestanan duna y awo lo e sa mas prome cu el a scirbi e articulo.

Tipo di oposicion swak y negativo aki no ta yuda nos pais na nada. Y den e caso aki sr. Dowers a mustra cu e ta prefera di actua contra interes di Aruba y sostene otro interesnan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio