Home Politics MINISTER LAMPE HUNTO CU DIRECTOR SUPLENTE DI DPS MR. KRISTOF VEEKMANS A...

MINISTER LAMPE HUNTO CU DIRECTOR SUPLENTE DI DPS MR. KRISTOF VEEKMANS A DUNA PRESENTACION NA COMISION FIHO DI ENSEÑANSA DI PARLAMENTO

SHARE

Dialuna 19 februari atardi, Minister dr. Armando Lampe a duna un presentacion na e comicion fijo pa cu enseñansa di Parlamento di Aruba, cual ta wordo presidi door di sr. Ricardo Croes. Pa e reunion aki, e director suplente di DPS, sr. Kristof Veekmans a duna un presentacion, na unda cu e ta splica den detaye encuanto e.o. posicion huridico di maestronan, materialnan pa skol cu ta core tardansa grandi pa ricibi actualmente, kiko tur ta e beneficionan pa cu e independisacion di e scolnan publico. Mester añadi cu sr. Veekmans ta un jurista specialisa pa cu enseñansa y su persona mes ta para totalmente tras di e independisacion aki. Durante su presentacion, e la splica claramente cu despues di finalisa e trayectoria di independisacion, e lo ta beneficioso pa su coleganan den enseñansa publico.
Independisacion lo trece mas libertad den enseñansa, lo duna mas espacio riba con ehecuta locual gobierno kier. Actualmente e libertad ta sumamente limita.

Actualmente
Actualmente tin hopi limitacion financiero, companianan no kier pago despues di 90 dia, tampoco ta haya e mihor oferta door di e motibo aki di pago laat. Esaki lo pasa pa pasado cu independisacion. Schoolbestuur no por spaar tampoco riba termino largo na momento di p.e. construction di ampliacion di edificionan.
Desicionnan cu mester wordo tuma actualmente ta lento door di burocracia, no tin posibilidad pa delega responsabilidad. DPS no ta responsabel final pa calidad di enseñansa sino na nivel politico, pesey tin demsiado metemento di politica riba operacionnan diario di skolnan. Ta carece di perspectiva LT door di limitacion di Schoolbestuur professional.

Den futuro
Independisacion na un forma di fundacion ta e mihor forma huridico. Lo sirbi como modelo pa otro fundacionnan di skol. Lo tin mas confiabilidad, carga responsabilidad, checks and balances, lo tin un caracter habri den enseñansa y gobernacion.
Posicion hurico di esnan envolvi lo no bay atras, al contrario. Bezoldiging di docente y demas personal lo core identico cu di otro skolnan similar. (Bezoldiginsregeling 1986 en bezoldiging LB onderwijzendpersoneel; den futuro “Functiehuis”).
Nombracion di docente y demas personal segun acta di nombracion “vaste dienst” identico na MB vaste dienst.
Den e parti disciplinario LMA ta aplicabel tambe pa esnan “gelijkgesteld” via contract. Tin mas posibilidad di proteccion via commission di beroep, cu pa motibo di imparcialidad ta duna mayor proteccion na personal.
Pa crea Carriere actualmente no ta possible ya cu personal den enseñansa publico no por pasa pa otro departamentonan gubernamental: loke conoce awor como “ontslag bij MB en benoeming LB”. Door di independisacion y yegada di “functiehuis” lo tin mas coperacion cu Schoolbstuur y mas mobilidad. Como tambe simplificacion administrativo.
Statuto Studiante
Caracter habri di e fundacion ta forma parti integral di su metanan comunitario y derecho di existencia. E principionan aki ta ancra den su funcionamento. DERECHO riba ENSEÑANSA ta keda GARANTISA!
Conlusion
Independisacion ta mihor pa Enseñansa Publico (mas oportunidad den su capacidad pleno di maneho). Independisacion ta mihor pa docentenan y demas personal. Acceso pa studiantenan ta keda mescos.

Na final tur e parlamentario presente di tur fraccion huramenta pa regla di bon conducta cu lo hiba semper e berdad nan dilanti a keda satisfecho cu e presentacion. Despues cu Minister Lampe a contesta tur pregunta, a palabra cu lo por mande ainda tur pregunta cu a keda colga y cu sigur su persona, lo sa di duna nan contesta tambe…