Weststraat: Diadomingo algo prome cu 1’or di marduga, den un accion relampago team di Un rato pasa un poco panort di e oficina di Bon Dia Aruba, den un accion relampago team di aresto ta logra para un auto y ta detene e dos ocupantenan.
Pa tres dia consecutivo polis tabata haya informacion cu e auto aki aparentemente lo tabata pasa horta gasolin y bateria di auto, esaki tabata sosode den e area di ex Antraco y e rotonde Belgiestraat y aparentemente na Shiribana tambe, na varios ocasion polis tabata bay pero ya e auto lo a bandona e sitio.
Polis a haya tur datos di e auto y dicido a subi caya pa detene esnan cu tabata cometiendo e ladronicianan aki. E biaha aki SI nan number a hunga, den Weststraat team di aresto di polis a spot e Toyota Tercel Berde aki numera A60138, mesora a pare y a baha e dos ocupantenan, nan a pone e chauffeur na rudia riba troittoire y otro banda di caminda a pone e ocupante contra muraya.
E ocupante a saca un papel di estadia mustra polis, pero asina mes ambos persona a keda deteni como sospechoso, nan a wordo transporta den dos diferente patruya pa warda di polis pa mas investigacion, aparentemente e ocupante su papelnan no tabata na ordo y a wordo pasa pa Guarda nos Costa y pronto e lo mester regresa su pais bek.
Den e auto tabata tin un cuchiu grandi, e auto no tabata tin niun documento na ordo y a keda confisca y cu takelwagen ela wordo hiba na Warda di Polis na San Nicolas pa mas investigacion.