Home Politics Minister Otmar Oduber: Prioridad ta poni pa compania encarga resolve situacion cu...

Minister Otmar Oduber: Prioridad ta poni pa compania encarga resolve situacion cu awa ta keda para den proximo simannan.

SHARE

A tuma nota cu constantemente ora cu tin yobida e rotonde na Cumana ta yena completamente cu awa, pa cual awe no tabata excepcion y e concentracion di awa a bira un obstaculo pa e fluho di trafico. E Proyecto di Watty Vos Boulevard ta grandi y lo bay duna DOW e apoyo cu mester pa evita cu ta haya problemanan cu a confronta cu ne cu e Proyecto di Green Corridor.

Minister di Infrastructura y Medio Ambiente Otmar Oduber a reuni hunto cu Director di DOW Marlon Croes y representantenan di e compania encarga cu e proyecto pa infroma di e situacion. Hunto cu e compania cu ta encarga cu e Proyecto, Mota Engil, a palabra cu prioridad lo wordo poni riba e skina particular di e rotonde y cu lo mester mira mehoracion den e proximo 5 simannan nos dilanti, pa evita e situacion cu awa ta keda para. (Tin mas areanan identifica cu mester mehora) Den 6 luna henter e proyecto mester ta cla y accesibel pa comunidad.
Lo no para proyectonan cu ta den desaroyo na beneficio di comunidad pero tampoco continua cu algo cu lo resulta desventahoso, pesey lo pone asistencia y experticio necesario pa atende cu e problemanan cu a wordo identifica na tempo.

Den futuro lo percura pa proyectonan wordo haci na un forma mas responsabel.