Sasaki – Diabierna atardi algo prome cu 4’or 911 ta haya yamada di un explosion cu a tuma luga na Caribbean Buffet, situa na King Plaza ariba Sasaki.
Informacionnan adicional cu a drenta a bisa cu tin hende herida.
Prome patruya cu a yega na e sitio a constata cu berdad tin un persona herida y a pidi Ambulance cu urgencia.
Mientrastanto Brandweer tambe a yega y tras di dje Ambulance.
Na e sitio loke a sosode ta lo siguiente.
Un empleado a bay cende un forno cu e lighternan cu ta usa pa cende stoof.
Pero, no tawata sa cu e forno tawata yena cu gas.
Momento cu ela habri e forno y light up e lighter, esaki a explota.
Esaki a causa cu e porta di e forno a sali for di su luga y dal e empleado den frenta, causando un herida serio cu tawata sangra profusamente.
E golpi fuerte tawata ariba su wowo.
Door di e golpi fuerte esaki lo por a causa trauma serio na e celebro, cu a tawata pone bay off y bin bek na tino.
Personal di Ambulance a stabilise y despues sali cu ne pa Hospitaal.
E parti mas tristo di e accidente aki ta cu e empleado a bin yuda ariba su dia liber, y ta resulta gravemente herida. Su situacion ta critico.
D.T.I y tambe BFTO a wordo pidi na e sitio, e restaurant a wordo cera pa asina investigacion por cuminsa.