Home » Aruba Bank ta introduci su Self Service Area na Hato: E prome banco cu ta ofrece servicionan Self Service conveniente, facil y sigur na Aruba

Aruba Bank ta introduci su Self Service Area na Hato: E prome banco cu ta ofrece servicionan Self Service conveniente, facil y sigur na Aruba

by Admin
0 comment 66 views

ORANJESTAD, Aruba –  Aruba Bank ta sigui introduci su servicionan unico y innovativo y ta habri nan Self Service Area na e sucursal na Hato.         

Na 2016 Aruba Bank a introduci su prome Smart Deposit Machine cual clientenan ta uza tur dia y durante aña a introduci e Smart Deposit Machine na diferente sucursal di banco.

 

Ademas di deposita cash of check y paga bo utilidadnan awor bo por paga bo Credit Card tambe. Durante di e conferencia di prensa Aruba Bank a introduci su Coin Deposit Machine nobo y asina ta brinda mas opcion di Self Service den un area dedica na conveniencia di cliente na Hato.

 

Lesa mas di nos servicionan Self Service aki bou y bo ta keda cordialmente invita pa bishita Aruba Bank na Hato pa experiencia e diferencia.

 

Smart Deposit Machine:

Awor na Aruba Bank cu e Smart Deposit Machine bo por haci bo pago di credit card, deposita cash, check local y haci tur bo pagonan di utilidad (WEB, ELMAR, SETAR). E Smart Deposit Machine aki ta elimina tempo di warda y ta haci e transaccion mas placentero.

 

Coin Deposit:

Na Aruba Bank awor bo por deposita placa los lora “rolled coins” facilmente cu nos servicio nobo di Coin Deposit. Corda inclui bo number di cuenta riba e saco di deposito pa asina e transaccion por ta exitoso. Ta procesa e deposito di nos Coin Deposit 2 biaha durante dia, esta 12’or di merdia y 4’or di atardi.

 

ATM:

Awor e servicio di ATM machine ta bay mas leu cu simplemente lanta placa y check bo balans. Awor por cambia PIN, mira of print mini statement, incluso transferi di cuenta pa cuenta.

 

Customer Service Kiosk:

Na nos Customer Service Kiosk, bo por pasa pa cambia bo adres, telefon of e-mail, activa text banking, duna notificacion di biahe, link un account na un ATM card, incrementa e limite di ATM, reemplasa un credit card, raporta un Credit Card perdi of horta of pidi un Card Pin number.

 

Aruba Bank ta consciente cu transaccionnan bancario diario mester ta mas facil cu ta posibel, ta p’esey e expansion di e area di servicionan Self Service lo ofrece nos clientenan un experiencia faborabel. Aruba Bank ta gradici tur cliente pa sigui scoge nan como nan banco preferi.

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio