Home Police Resultadonan haya di Nederlands Forensisch Instituut, a detene sospechoso principal den asesinato...

Resultadonan haya di Nederlands Forensisch Instituut, a detene sospechoso principal den asesinato di Sarahi Sierra

SHARE

Rumbastraat – Diahuebs mainta durante un conferencia di Prensa di parti Ministerio Publico, a duna un poco mas informacion relaciona cu e asesinato di Sarahi Sierra.

Procureur-Generaal Mr Van Dam a splica di e detencion y basa ariba kiko e homber Jairo Chalgut di 46 aña a keda deteni, como e sospechoso principal di a mata Sarahi Sierra. Chalgut ta un conoci di e famia.

Jairo Chalgut 46 aña.

Segun Mr Van Dam, durante transcurso di e investigacion, varios nomber a bin dilanti di parti testigonan y Chalgut su nomber tambe a ser menciona.
Pero nan no por detene un persona zomaar, paso su nomber a wordo bisa.

Pa e motibo ey mester a warda ariba e resultadonan di e Nederlands Forensisch Instituut, cu ta un instituto hopi druk. Pero a logra keda cla basa di loke BFTO e departamento tecnico di polis a compila na e cas, unda e asesinato a tuma luga.

Asina a haya e pruebanan necesario pa nan por a usa y haya DNA di e persona cu tawata den e cas of camber caminda e asesinato cruel a tuma luga.
Basa riba resultado di laboratorio forensico Hulandes a bin detene Chalgut. Pues un of mas caminda e homber aki a laga un of mas spoor(DNA) y esey ta pone cu e  tawata na e sitio e dia eynan.

Laboratorio Nederlands Forensisch Instituut

Ayera diaranson manera autoridad a haya e resultadonan di e Instituto Forensico Hulandes, a match e y a esaki a resulta di cuadra cu di Chalgut, cu ya a yega di tin contacto cu husticia den pasado.

Jairo Chalgut ta cera na San Nicolas.

Procureur-Generaal a bisa tambe cu, interogacionnan di parti e team investigativo lo bay cuminsa.

Pa e famia tambe aunke con duro e porta pa trece tur cos dilanti un biaha mas, un parti nan sa ta ken y cu tempo lo haya sa e motibo tambe di e asesinato cu a conmovi Aruba henter. Pa e famia e ta parti di recuperacion, manera Comisario Richardson a yame.

Comisario Dolfi Richardson a confirma tambe cu e asesinato aki ta un di esnan mas cruel cu ela yega di presencia aki na Aruba.

Mr Van Dam a bbisa cu no ta descarta cu lo por tin mas detencion. Tambe cu no ta paso tin e sospecho principal deteni mester stop di duna tips, na polis of Ministerio Publico. Tur informacion por yuda, pues kiko cu bo por corda di a mira of scucha avisa esaki.

De Vuyst