Home » Humphrey Harold de Cuba a ricibi su premio di gasolin pa henter 1 aña di Nagico Insurances

Humphrey Harold de Cuba a ricibi su premio di gasolin pa henter 1 aña di Nagico Insurances

by Admin
0 comment 52 views

ORANJESTAD, Aruba – 14 di Februari 2018: Despues di algun siman e campaña “Cambia, Spaar y Gana!” di Nagico Insurances a culmina cu un evento pa selecta e ganado di e premio mayor; Gasolin pa henter 1 aña gratis. Den presencia di varios empleado, e conocedo presentador Ivo Yanez a guia e proceso y despues di tanto espera, a revela cu e gran ganado den persona di Humphrey Harold De Cuba. Humphrey lo gosa di henter un aña di gasolin gratis.

Durante e campaña di Nagico, clientenan existente y clientenan nobo cu a cambia pa Nagico, fuera di gosa di prijsnan competitivo, servicio superior y Road Service 24/7, tambe por a participa pa asina gana centenares di premio. A otorga un total di mas cu 300 premio, entre nan (inclui algun di e premionan).
Nagico ta agradecido cu e acogida di e campaña y e oportunidad pa conecta cu asina hopi cliente cu a bishita oficina pa busca nan premio durante e campaña.

“Nos meta ta pa surpasa expectativa di nos cliente mas hopi posibel. Esey ta nos obhetivo semper y nos ta sumamente contento cu nos clientenan tabata central den e campaña aki.” Asina Rhona Noguera, Marketing Coordinator a splica. “E ta hopi facil pa bira un cliente di Nagico y tambe spaar 15% of mas ariba bo seguro di auto. Djis manda bo copia di polisa, copia di rijbewijs na e whatsapp di Nagico 592-3378, of email nos na [email protected], tambe por yama na 5887000, of pasa na un di nos oficinanan na Savaneta of Dakota. Nos kier a invita tur persona pa like nos pagina di Facebook pa asina keda pendiente di mas campaña y premio na caminda durante aña 2018.” Rhona Noguera a termina.

Nagico Insurances ta yama pabien un biaha mas na Humphrey Harold de Cuba y tur e otro ganadonan di e diferente premionan durante di nan campaña.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio