Cu hopi cautela Endy Croes a sigui e conferencia di prensa di AVP siman pasa unda Richard Arends, e candidato cu ta aspira pa bira lider di AVP, a repasa e ultimo bishita informativo di CAFT. Richard Arends a resalta den dicho conferencia como un “Betweter”. Betweter ta un persona cu ta aparenta como “don sabe lo todo” of na ingles conoci como un “smart ass”. E So ta studia y ta e So sa tur cos miho cu tur hende. Richard Arends a splica e diferencia entre Deficit y Debe Nacional den un tono arogante bisando cu no ta ken cu ta tin conocemento di dicho materia. El a trata na splica cu ki ora Bo tin un deficit automaticamente Bo debe nacional ta sigui crece. Ken no sa esey? Asina e kier a purba hustifica e Debe Nacional cual bou AVP a crece di 43% den 2009 pa 87% den 2017.
Mentiroso patologico
Locual e cabayero aki no a splica ta cu AVP a laga un “desaster financiero” atras cual e mes a forma parti di dje como e consehero financiero principal di partido. Ora Arends splica cu masha antoho cu AVP a logra baha e deficit di 9.4% den 2014 pa 0.5% den 2017, nos mester para keto un rato y puntra nos mes ta ken e “baca” aki kier engaña? Lagami splica prome un rato di un mentiroso patologico. Ta existi un checklist pa detecta un mentiroso patalogico y momento cu bo tin 5 of mas aspecto cu ta cuadra cu bo aparencia y caracter Bo ta wordo diagnostica y catalogisa como un mentiroso patalogico y esaki ta exactamente locual Richard Arends ta sufri di dje. Richard Arends ta cumpli cu mas cu 5 di e rekesitonan aki. 1. Fantasie wereld, 2. Eigen leugen geloven, 3. Tegenstrijdige uitspraken, 4. Manipulatief gedrag, 5. Gedrag stoornis, 6. Gedrags probleem in kinderjaren, 7. ASPS cu ta para pa Anti Sociaal Persoonlijkheids Stoornis. Confirmando esaki nos por compronde awor dicon Richard Arends den conferencia di prensa ta trece mentira tras di mentira dilanti sin cu e ta “give a damn”.
Mas di 400 miyon na deficit
El a declara cu e deficit di 275 Miyon pa cu aña 2018 cu AVP a laga atras ta inclui e 130 miyon di e suppletoire begroting di 2017 cual placa AVP a fiesta y malgasta. Esaki ta un engaño contra henter un pueblo. Esaki ta un mentira flagrante. Riba e 275 miyon mester agrega (pues tel op) e 130 Miyon di 2017 cual lo surpasa 400 miyon. Mi kier invita pueblo pa subi you tube of canal 22 mas cerca di Bo y search Raymond Gradus, presidente di CAFT y por scucha e declaracion oficial. Hopi cla bo por tende e Presidente di CAFT menciona cu e “total leenbedrag eind 2017 verruimd wordt met 130 miljoen tot een total bedrag van 570 miljoen voor 2017”.
Mas mentira di Richard Arends
Otro mentira cu Richard ta trece dilanti ta cu AVP a cumpli cu baha e deficit di 9.4% den 2014 pa 0.5% pa cu 2017. Sinberguensa ta keda un expresion mucho bunita pa e “malandronan” di AVP pa locual nan a haci cu e pais aki. Pregunta na Richard Arends: Ta ken a percura pa e deficit alcansa 9.4% den 2014? Ta ken a haya un “KB” for di Hulanda na 2014 pa e maneho desastroso aki? Ta ken a bay bebe Ensure bou palo pa e motibo aki? Ken tabata su consehero financiero? (Richard Arends himself!). Ken ta e causante anto? Awor bo kier gaba cu AVP a corigi nan mesun eror? 9.4% den 2014 tabata mas cu 400 miyon di deficit. Ora Bo persona ta declara cu AVP a logra e norma di 0.5% den 2017 ta un otro mentira flagrante. Pueblo lo sa di scucha version di CAFT pa nan mes saca nan conclusion con mentiroso abo y AVP ta. Alaves Arends ta splica cu nan a logra reduci e deficit basa riba e crecemento economico di ultimo añanan. Bueno ta ken e “baca” aki kier sigui gaña? Rapportnan di Banco Central ta mustra net lo contrario cu Aruba ultimo añanan no tabata tin un crecemento economico. Endy Croes ta finalisa bisando, e “betweter” Richard Arends cu tin un dicho ta bisa ‘calladita me veo mas bonita’. Ki ora Bo papia disparate Bo lo por spera un reaccion cu e berdad.