Home Politics Periodo yen di reto pa Saba: Presidente di Cft Raymond Gradus: “Nos...

Periodo yen di reto pa Saba: Presidente di Cft Raymond Gradus: “Nos tin confiansa den gobierno local”

SHARE

The Bottom – Durante su bishita na Saba dia 7 di februari Colegio di supervision financiero di Boneiro, Sint Eustatius y Saba (Cft) a considera ampliamente e horcannan Irma y Maria y e consecuencianan cu esey tabatin pa Saba. E manera cu Saba como comunidad a deal cu esaki a impresiona Cft. Banda di esey a conclui cu ehecucion di e presupuesto di 2018 ta enfrenta varios reto financiero.

Durante bishita di Cft dia 7 di februari Colegio Ehecutivo a duna un presentacion tocante e manera cu Saba a prepara su mes pa yegada di e horcannan y con a actua durante y despues di paso di e horcannan. Durante un bishita na haf Diputado Bruce Zagers a duna un splicacion detaya di e plannan di recuperacion. Cft a felicita Colegio Ehecutivo pa e forma cu comunidad di Saba a deal cu e horcannan. Saba ta den consulta cu Ministerio di Asunto Interno y Relacion den Reino (BZK) y varios departamento na Den Haag tocante destinacion di e recursonan cu Gobierno a pone na disposicion. Colegio Ehecutivo a splica cu lo tuma medida pa garantisa hustificacion financiero di uzo di e cuantioso recursonan ey. Tambe Cft a tuma nota di e plannan cu tin pa haci e haf mas resistente contra horcan y a subraya e importancia di esey.

Tambe a delibera tocante e diferente retonan den ehecucion di e presupuesto di 2018. Asina, por ehempel, Saba a pidi pa aplasa amortisacion di e prestamonan sin interes na 2018 y ta en espera di tumamento di decision al respecto. Ademas, un parti reimo di e entradanan ta incidental, mientras cu esakinan parcialmente ta conduci na gasto structural, loke ta crea incertidumbre y riesgo. Colegio Ehecutivo a indica cu fin di februari lo delibera tocante esaki y otro topico durante un bishita na BZK y otro departamento.

E bishita aki di Colegio na Saba tabata tambe den cuadro di ceramento di conoci cu Presidente Raymond Gradus, kende a asumi su funcion dia 1e. di juli 2017. Como consecuencia di e horcannan un bishita di Cft na Saba planea na october no tabata posibel.