Home Entertainment Clientenan y publico a baila riba e musica di Tsunami den show...

Clientenan y publico a baila riba e musica di Tsunami den show di Riba Bou A bende hopi celular durante Digicel’s Carnival Sales Event

SHARE

ORANJESTAD, Aruba – Digicel Aruba a transforma Marisol Building como e central di Carnaval diaranson dia 7 di Februari ultimo, cu e “Digicel Carnival Sales Event”. Clientenan tabatin e oportunidad di disfruta di ofertanan special riba cada compra di celular y experencia e “live show” di ‘Riba Bou’.

Clientenan, kendenan tabata ansioso pa no perde ningun accion, a yega trempan den oranan di atardi pa asina mira e oficina decora y e staff bisti den disfraz, pa asina sigura nan luga y disfruta di e beneficio di e ofertanan special cu tabatin desde 5:00pm. Mr. Randy Gomez, cliente di Digicel a menciona cu e ta contento cu e “Carnival Sales Event”, unda cu el a cumpra 2 Samsung Galaxy J1 pa asina “semper ta conecta durante e paradanan”. Un cliente leal di Digicel pa hopi aña a agrega, “Mi ta recomenda e servicionan di Digicel na tur hende, tambe e agentenan di benta semper ta amabel y ta duna bo bon bini cu un sonrisa”.

Asina cu clientenan a termina cu nan compra, e entretenimento a cuminsa den masha bon ambiente. E prome actuacion tabata di Massive brass band, acompaña p’e grupo di baile Cocorico in Motion den nan disfraz bunita y tabata bon ricibi p’e publico. E entretenimento a sigui cu e actuacion di un di e bandanan mas popular di Aruba, “Tsunami”, cu a pone e audiencia grita di alegria y tabatin nan ta baila riba su ritmo dushi.

Un otro highlight di e anochi tabata cu den e tienda a busca e Digicel ‘Carnival Mask’ – cual Yvonne y Robby di Dakota a gana. E premio ta un set cu ta inclui un Samsung S8 plus smartphone y un Powerseed Charger pa asina sigura cu e ta conecta durante fetividadnan.

Wanda Broeksema, CEO di Digicel Aruba a bisa despues di e evento “mi ta gradici tur esunnan cu a bin pa celebra carnaval na Digicel. Na Digicel, nos ta purba di conecta hende cu hende y e cosnan cu nan ta gusta mas. Ora ta trata di conecta hende, nos sa cu nan gusta e experencia di Carnaval pasobra e ta trece tur hende cerca den ambiente y harmonia. Mi ta recorda tur hende riba e promocion special cu nos music streaming app, d’Music ainda t’ey.”

Via e app di musica di Digicel, amantenan di musica tin e oportunidad di gana un trip pa dos persona pa Miami y mira Shakira LIVE in concert na Augustus 2018. Clientenan di Prepago por participa door di simplemente download y abona na e app d’Music di Digicel te cu 30 di Maart 2018. d’Music tin un catalogo di mas di 30 miyon cantica cu ta laga e clientenan stream, download y scucha nan cantica preferi, na cualkier momento, unda cu ta y ilimita.

Aunke na e momentonan aki e app ta p’e clientenan di prepago di Digicel, clientenan di postpaid tambe tin chens di gana ticketnan pa mira Shakira LIVE in concert ora cu nan paga nan recibo di Januari 2018 na tempo.