Diasabra ultimo e dos teamnan di Aruba a train na Seroe Alejandro como e ultimo preparacion pa e di 7 TK5 na Surinam.
Training a cuminsa pa 7’or di mainta na pia di e sero y riba e caminda di Sero Alejandro nan a core subi e sero te na e tanki di awa. Ariba e sero nan a cuminsa cu interval training y a haci varios facet rond di e tanki. Despues di 45 minuut a sigui cu training y mester a subi e sero den forma di interval. Master Eric Barry ta referee internacional y tabata presente pa presencia e training pa Surinam, pasobra na Surinam e ta bay fungi como e head referee. Aruba por conta cu e dos teamnan aki lo bay saca cara di Aruba na Surinam. Aruba su teamnan ta gradici Lotto pa Deporte cu a haci e biahe pa Surinam posibel.
Diaranson atardi e teamnan hunto cu Master Eric Barry e head referee y Noel Werleman di 297sports ta biaha pa Surinam.