Home Politics Minister Xiomara Ruiz-Maduro: “SIN PERMISO UN AMBTENAAR NO TA PERMITI PA HACI...

Minister Xiomara Ruiz-Maduro: “SIN PERMISO UN AMBTENAAR NO TA PERMITI PA HACI TRABOU PRIVA!”

SHARE

Durante conferencia di prensa Minister Xiomara Ruiz-Maduro a trece dilanti:

“SIN PERMISO UN AMBTENAAR NO TA PERMITI PA HACI TRABOU PRIVA!”

Ambtenaar mester tin respet pa LMA y mandatarionan.

ORANJESTAD – Ministerio di Finanza, Asunto Economico y Cultura a ricibi hopi reclamo caminda señor Robert Maduro, kende ta un ambtenaar, tin un programa di radio mainta caminda entre otro nos Minister Presidente ta wordo lastra tur dia pariba pabao. Nos tin mester na nos pais ordo y respet, ordo y respet pa nos mandatarionan, cu no ta pornada a huramenta pa cumpli cu e trabao di gobernante.

Brinda respet na ambos banda y no por ta asina cu tin un ambtenaar tin un programa na radio durante su orario di trabou sin cu e tin e autorisacion pa e haci e “nevenactiviteit” aki.

Den LMA ta poni cu un ambtenaar por haci un trabou banda di su trabou den gobierno, esta un nevenactiviteit, si e tin autorisacion di su minister. Den e caso specifico di señor Robert Maduro, kende ta ambtenaar, e no tin permiso di Minister di Finanza, Asuntonan Economico y Cultura mr. Xiomara Ruiz-Maduro pa haci e trabou na radio como nevenactiviteit.

Un ambtenaar cu ta permiti pa habri radio pa lastramento di mandatarionan no ta cuadra cu e ordo y respet cu Gabinete Wever-Croes kier trece den e gobernacion di e pais aki.

Ta intencion pa hala un solo linea pa tur esnan cu ta ambtenaar. Desde prome caba a hala atencion di e ambtenaar Maduro, pero el a haci como sifuera cu ningun hende no tin nada di bise y ta haci loke e kier.

Den su declaracion na prensa Minister señora Ruiz-Maduro a trece dilanti cu el a manda un carta pa señor Robert Maduro pa atende riba e asunto aki despues di a consulta cu Departamento di Recurso Humano.

Mester respeta nos ley di LMA y nos prome mandatario.