Marisol Lopez -Tromp Contrario na ex Premier Eman, otro siman Premier Wever-Croes lo duna Parlamento informacion riba situacion cu Venezuela

Parlamentaria Marisol Lopez-Tromp den conferencia di prensa a informa cu otro siman Parlamento lo bay tin un reunion cu entre otro Fraccion di POR a pidi cu Prome Minister riba e situacion na Venezuela y su efectonan pa Aruba y tambe ultimo desaroyonan entre e dos paisnan aki.
Algo hopi interesante ta un documento cu Lopez-Tromp a mustra na prensa presente cu ta indica cu e tensionnan aki no ta algo di awor, sino ya caba for di 3 aña pasa tabatin esakinan. E tempo ey, den su calidad di Presidente di Parlamento, el a pidi Prome Minister Eman pa e acudi Parlamento pa un reunion cera y duna e informacion necesario hunto cu VDA na e parlamentarionan.
E carta ta data 24 di april 2015, pero e tempo ey Minister President Eman nunca a bay Parlamento, cada bes e tabatin un motibo pakico no te cu awe cu e no tey mas como Minister President.
Contrario na esaki, otro siman Parlamento lo haya e informacion corespondiente for di Prome Minister actual Evelyn Wever-Croes. E reunion lo tuma lugar 14 di februari.