Santa Cruz – Dialuna atardi algo prome cu 6:30 polis y ambulance a bay altura di e dam na Santa Cruz, weng Kee Supermarket bay nort y despues bay ariba.
Altura di e dam den e bocht, un brommer scrambler marca Yamaha y sin number ta dal contra un Jeep Wrangler.
Ariba e brommer un pareha, e damita di 13 aña a bay cay ariba e hood di Jeep. E homber a keda benta abou.
Segun nos a compronde, e brommer cu e pareha ariba dje tawata bayendo pabou y hopi probabel cu velocidad halto. Chauffeur di e Jeep bayendo direccion pariba a purba na evita e impacto, pero no ta logra.
Dos ambulance a presenta na e sitio, mama di e menor tambe a yega. Ambos herido a wordo transporta cu ambulance pa Hospitaal cu basta golpi na curpa.
Takelwagen a presenta pa bay cu e brommer cu no tin ningun papel.