Stellaris Casino a sorprende tur hende durante Parada di Luz na Oranjestad
Hunto cu productonan di Tropical Bottling Company
ORANJESTAD, Aruba – 4 di Februari 2018: Publico para banda di caminda a gosa masha di e “Slot Machine on Wheels” cu Stellaris Casino di Marriott Resort Aruba durante e Parada di Luz diasabra anochi den cayanan di Oranjestad. Cu e mashin aki, a atrae publico banda di caminda pa purba nan suerte durante pleno parada y cu chens pa gana premio y regalo na cantidad. Di berdad algo nobo pa Aruba y atrobe, Stellaris Casino ta dominando den ideanan creativo durante paradanan di carnaval.
E campaña “Spin and Win to the Infinity with Stellaris Casino” ta un esfuerso conhunto entre Stellaris Casino y Tropical Bottling Company. Durante paradanan di carnaval, ta check pa tur hende cu tin un producto di Tropical Bottling Company cu nan, sea ta cerbes Balashi of Chill, Dewars, Bacardi, Grey Goose, etc. of un flanel of pechi bisti. Ta trece nan cerca y brinda nan un oportunidad pa “spin the wheel”. E premionan ta varia entre “slot cash” pa nan purba nan suerte riba mashinnan den Stellaris Casino mes pero tambe nan a regala e hungadonan six-pack di cerbes Balashi, T-Shirt, Lineyards, pitchers di cerbes, baraha di carta di casino, weganan di domino y asina por sigui menciona. Con tal cu a parti masha hopi regalo y premio durante e trayecto di e parada.
Stellaris Casino y Tropical Bottling Company lo participa atrobe den e parada di luz na San Nicolas riba diabuebs awor, den e parada grandi di carnaval na San Nicolas diasabra y den e parada grandi di carnaval na Oranjestad riba diadomingo den Infinity Carnvival Group.
Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “mystery Progressive Jackpots”. Stellaris Casino tin Bingo tur diahuebs, diasabra y diadomingo pa 12:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.
Na tur, e famia di Marriott Aruba ta consisti di mas o menos 1100 empleado den servicio directo y 400 empleado trahando via otro companianan den e compleho di hotelnan. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.