Publico a acepta imagen nobo di cerbes Chill cu brasanan habri
Oferta historico di cumpra 5 haya 3 caha gratis a haya un acogida grandi
ORANJESTAD, Aruba – Tanto esunnan den parada como esunnan para banda di caminda, ambos a disfruta masha di e campaña promocional di cerbes Chill, celebrando e cambio di imagen nobo banda di e oferta special cu ta ofrece solamente durante e temporada aki di carnaval 64. Hopi sacamento di potret, hopi premio, regalo y celebracion cu e cerbes di carnaval.
Chill proximamente ta trece un imagen nobo den su totalidad p’e cerbes, cual ta trata boter, caha, six pack y diseño. Proximamente lo cambia e imagen riba e blekinan tambe. Den carnaval 64, Tropical Bottling Company a saca su trucknan di Balashi riba e ruta di carnaval na Oranjestad ofreciendo e deal nobo, cual ta cumpra 5 caha y haya 3 gratis of cumpra 10 caha y haya 6 gratis of cualkier multiple di 5 caha ta duna Bo su respectivo 3 caha gratis!
Despues di a cumpra e cerbesnan, cu e recibo e consumidor ta bay na Balashi y pa cada caha ta ricibi 2 T-shirt regalo. E campaña aki di cumpra tanto y haya tanto caha di cerbes Chill ta solamente p’e cerbes den boter y no esunnan den bleki.