137
Wilhelminastraat – Diadomingo marduga den careda di 1:45 momento cu Lighting Parade tawata yegando su final, varios patruya a bay Dubai ex- Funchal.
Motibo tawata cu informacion a drenta cu dos homber arma a drenta e establecimento.
Varios unidad policial a yega e luga. Parti pafo tur cos tawata mustra normal, mirando cu ta un luga nocturno bishitantenan tawata yega y na porta por a wak guardianan para.
Pues nada raro.
Agentenan a bay paden, algun a keda pafo.
Paden agentenan a cuminsa busca e dos hombernan, uno lo tawata tin camisa color cora y e otro camisa blauw.
A resulta cu dos hombernan cu a drenta e luga lo a bay busca pa regla cuenta, cu un persona cu aparentemente lo a kibra den auto.
Segun un testigo ela wak e dos personanan aki drenta cu arma e luga.
Agentenan paden a rista dos homber cu e descripcionnan duna, pero no a haya nada ariba nan. Por ta posibel tambe cu e personanan ey lo no tawata esnan arma.
Patruyanan a move despues di e establecimento.