Home » Parlamentario Endy Croes relaciona cu reunion di IMF: Parlamentarionan di AVP ta comportando nan mes manera “SHISHI”

Parlamentario Endy Croes relaciona cu reunion di IMF: Parlamentarionan di AVP ta comportando nan mes manera “SHISHI”

by Admin
0 comment 48 views

Parlamentario Endy Croes ta bolbe enfatisa cu e lo no laga AVP pasa ningun fastball y lo sa di reacciona na tur momento pa corigi AVP su engañonan. Recientemente Parlamentarionan a pasa den un siman basta pisa cu entre otro reunionnan cu Algemene Rekenkamer (ARA), Directie Financiën, Raad van Advies, Centrale Accountants Dienst (CAD), CAFT, IMF pa nombra algun. Iniciando cu IMF kendenan a haci un bishita orientativo pa cera conoci cu Parlamento nobo y Gobierno nobo. Pues no ta un bishita di acuerdo cu artikel IV di IMF, esta un mision consultativo. Esaki ta tuma lugar cada dos aña y Aruba ta toca turno pa esaki den 2019.

Locura y barbaridad
Locual ta remarcabel cu Fraccion di AVP tambe a ricibi algun minuut pa cera conoci cu IMF. Sinembargo e malesa patologico di engaño a resalta y nos a comproba cu esaki a contagia entre otro e hoben Richard Arends, kende tin aspiracion pa bira lider di AVP. Na salida di nan bishita Richard Arends ta declara cu Staff di IMF a pidi Fraccion di AVP for di oposicion pa concretisa un Plan Financiero. Ki locura y ki barbaridad!! Ken lo por kere e bagamundo aki? Tambe Richard ta declara cu AVP a haya oportunidad cerca IMF di trece nan preocupacion cu nan tin riba tereno financiero. Mi ta sigur cu Staff di IMF lo a “TIK” Richard hopi duro “op zijn lange vingers”. IMF sa mucho bon cu ta AVP a hinca e pais aki den e debacle financiero conoci tambe bou di e nomber “Desaster Financiero” actual.

Redoblacion di debe
Hustamente Richard Arends desde edad hoben a profila den Fundacion FESCA di AVP kendenan na 2009 a presenta un Presupuesto Alternativo pa Aruba, unda lamentablemente pueblo di Aruba a cay den nan trampa. Resultado final di Richard Arends y AVP, despues di a gana eleccion na 2009 y a aplica nan presupuesto alternativo, tabata cu nos debe nacional a redobla. Esaki ta e tristo realidad! Na 2009 MEP a laga e debe nacional na 43% den cuadro di tur standardnan internacional, esaki ta resultado di 23 aña di gobernacion desde 1986, esta desde Status Aparte. AVP sin gevoel den 8 aña di nan gobernacion ta “REDOBLA” esaki sin misericordia pa alcansa un debe nacional di 87% den 2017.

Actitud infantil
Como prueba Parlamentario Endy Croes ta recomenda pa sucha e conferencia di prensa di diabierna ultimo di CAFT, momento cu e presidente Sr. Raymond Gradus a bisa “Overheidsschuld is gestegen naar 87% van de BBP in 2017”. Pueblo saca Bo som! Segun Parlamentario Endy Croes cu e tipo di comportacionnan aki pa troce palabra di IMF y purba engaña pueblo estilo di e politica anticua di Henny y Mike Eman mester pasa pa pasado. P’esey Parlamentario Croes ta condena e actitud infantil di Richard Arends y Fraccion AVP comparando nan como un Fraccion di “SHISHI”. A buen entendedor pocas palabras.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio