Accidente cu basta daño material na crusada di R.C.A , dos persona resulta herida

Kamerlingh Onnesstraat – Diadomingo merdia algo prome cu a1’or polis y dos ambulance a bay crusada conoci pa accidente na R.C.A.

Na e sitio polis ta haya dos auto cu basta daño material, tawata trata di un Kia Sportage y Jeep Liberty.
Den e Jeep dos persona a resulta levemente herida, ta trata di un adulto y un mucha.

Segun nos a compronde na e sitio e Kia Sportage a yega subi e crusada y dal Jeep Liberty cu tawata bayendo nort.
Dos persona a resulta levemente herida y ambos a wordo trata door di personal di ambulance y despues transporta pa hospitaal.